Айжан Байзақова клубтағы жағдайды әңгімеледі
Блогер әрі актриса Айжан Байзақова клубтағы қыздардың шешінгеніне қатысты жағдайды баяндап, алғаш рет сұхбат берді. Ол болған жағдайдың мән-жайын «The Эфир» бағдарламасында бүкпесіз айтты.
Байзақованың айтуынша, ол жүргізушіге би байқауын ұйымдастырып, 50 мың теңгені ойнатуға қатысты ұсыныс білдірген. Бірақ, Айжанның сөзінше, байқау қатысушылары бойжеткенді дұрыс түсінбей, шешіне бастаған.
«Егер басында миы бар қыз болса, «Жоқ, рахмет» деп кетіп қалар еді. Бірақ, олар шешініп, мәз болып жүрді. Мен әрине, өзім де таң қалдым. Мен оларға «ертең өкінбейсіңдер ма?» деп ескерттім. Олар «жоқ» деп жауап берді. Кейін жеңімпаз ақшаның жартысын қайтарды. Біз оларды таратып тастадық. Ол кісі ақша үшін шешінбеген сияқты. Өзіміз де түсінбей қалдық. Үйге келген соң, жағдай шиеленісіп кетеді деп ойламаппын. Таңертең сіңілім сол кештегі бейнежазбаны жіберді. Менің алғашқы қорқынышым, құдай сақтасын әрине, сол қыз өкініп, асылып қалмаса екен дедім. Сол бейнежазбаның таралып кеткені үшін өз-өзіне бірдеңе істей ма деп қорықтым. Кейін, ІІАБ (РУВД) хабарласып, келіп-кетуімді өтінді. Мен әкімшілік айыппұл салатын шығар деп ойладым. Бірақ, боғауыз сөз айтқаным үшін мені қамайтындарын айтты», - деді Айжан Байзақова.
Еске сала кетсек, соттың шешімі бойынша актрисаны әкімшілік жазаға тартып, үш тәулікке қамаған болатын. Бойжеткен қамауда отырған уақытта 9 кітапты оқып тастағанын жеткізді.
Сонымен қатар, ол сұхбатында Instagram-ның шынайы өмірін сипаттамайтынын, тек қаражат табудың көзі ғана екенін мәлімдеді.
«Instagram – өмірімнің 50%-ын ғана бейнелейді. Мен де Қазақстанның 90% тұрғыны секілді ішемін, шегемін және боқтап сөйлеймін, оны жасырмаймын. Бірақ, шынайы өмірде үлкен кісілердің алдында бейәдеп сөздер қолданбаймын. Мен қыздардың ер азаматтардың кесірінен, олардың қарамай қоюы салдарынан немесе қатты ренжіткені үшін бұзылатынын жиі айтып жүремін. Сондай кездерде, әйелдер кек алуды бастайды. Instagram парақшамның 20%-ы жақсы қыздар үшін еркектерден кек алудан тұрады», - деп қосты Айжан.
пікірлер жоқ, бірінші болыңыз
Пікір қалдыру үшін