«Аладдин»: Disney шытырманының алғашқы ресми бейнежазбасы
Disney студиясы режиссер Гай Ричи («Артур патшаның қылышы», «А.Н.К.Л. агенттері») Джон Аугусттың («Франкенвини», «Күңгірт көлеңкелер») сценарийі бойынша түсірген «Аладдин» шытырман оқиғалы фильмінің алғашқы дубляждалған тизер-трейлерін ұсынды. Танымал әнші Мадоннаның бұрынғы күйеуі Ричи «Батпан құйрық» және «Карта, ақша, қос қару» авантюралы комедиялардағы жарқылдаған диалогтары арқылы танымал.
Disney-дің «Аладдин» атты жаңа көркем фильмі әйгілі студияның классикалық анимациялық картинасынан шабыттанған. Көрермендер Аграбудағы әсерлі хикаяны сезініп, жақсы таныс кейіпкерлермен: батыр Аладдинмен, ұрлықшы маймыл Абумен, ғажап әрі мұңаймайтын Жынмен, тәуелсіз әрі тәкаппар Жасмин ханшайыммен, сұлтанның жауыз уәзірі Жафармен және оның көмекшісі сөйлейтін тотықұс Ягомен кездесе алады.
Отбасылық көрсетілімге арналған «Аладдин» картинасы 2019 жылдың 23 мамырында айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін