Әлім Заиров шетелдегі алғашқы жеке концертіне дайындық үстінде
Көптеген қазақстандық және шетелдік кинокартиналарға музыка жазған композитор Әлім Заиров Мәскеуде алғашқы жеке кешін өткізбекші. Музыкант «ВДНХ жасыл театры. Су үстіндегі сахна» жобасы аясында өткізілетін «Неоклассиктер» фестивалінің қатысушысы атанды. Концерт 30-шілде күні «Останкино» саябағының Бақты тоғанында өтеді.
«Бір ай бұрын jgroup.ru агенттігінің өкілдері маған «Неоклассиктер» фестиваліне қатысуға ұсыныс білдірді. Осы уақытқа дейін келіссөздер жүргізіліп, жақында ғана аяқталды. Мен фестивалдің жалғыз шетелдік әртісі екенмін. Бағдарламаға қатысты айтар болсам, ол өткен жылдың желтоқсан айында болған Aurora Space-тегі орындауыма ұқсас болады. Мен жалғыз өзім ғана емес, жергілікті виолончельшімен бірге шығамын. Ал оның есімін әзірге жарияламай-ақ қояйын»,-деді Әлім Заиров.
Әлім Заировтың Instagram-дағы жеке парақшасынан алынған сурет
Отандық композитор «Renovazzio» және «Now» атты екі альбомды шығарған. Сонымен қатар, ол 14 фильмге музыка жазды, оның ішінде «Американша тонау» («Ограбление по-американски» АҚШ, 2013) және «Мафия: Күнкөріс қамы» («Мафия: Игра на выживание» Ресей, 2014) фильмдері бар. Оның «Шлагбаум» мен «Анаға апарар жол» атты қазақстандық картиналарына жазған композициялары «Сыншылар таңдауы» және «Тұлпар» киножүлделерінде ерекше аталып өтті.
Композитор Brod.kz порталына берген сұхбатында: «Кинофильмдерге арнап музыка жазу – бұл режиссермен бірге жасалатын жұмыс. Біз фильм сюжеті дамитын бағыттан алыстап, ерекше дыбыстарды іздейміз. Яғни, кинотаспа композициясын негізге ала отырып, әуен жазамыз.
Жақында Әлім Заиров Ақан Сатаевтың «Она» психологиялық триллеріне арнап, музыка жазып бітірді.
пікірлер жоқ, бірінші болыңыз
Пікір қалдыру үшін