Анджелина Джоли: қыздарына арнаған тәлімі
Анджелина Джоли балаларының сенім артатын дүниесіне күресу жолын үйретпек. Elle журналының наурыз айындағы санында «Оскар» иегері әрі қоғам белсендісі Джоли АҚШ-тың бұрынғы мемлекет хатшысы Джон Керримен бірге өзінің қазіргі кампаниясын сексуалды зорлыққа қарсы пайдаланғысы келетінін талқыға салды. Ол ерлер мен әйелдердің бірігіп, қалай әйелдер құқығын кеңейтуге болатынын айтып бермек. Анджелина Джоли көп балалы ана ретінде өзінің және басқа да қыздарға қажетті кеңестер беріп отырады.
Актрисаның қыздары Захара (12 жас), Шайло (11 жас) және Вивьен (9 жас) аналарынан көптеген қажетті кеңестер мен ашық ойлар тізбегін естіп жүреді. Мысалы, Джоли журнал арқылы балаларға мынаны айтады: «Біреуге жасаған жақсылықтарың сендерді өмірде айқындап тұрады. Сендер әрдайым көйлек киіп, бояна аласыңдар. Бірақ, сендер ақылдарың арқылы ғана ерекшеленесіңдер. Сендер кімсіңдер, не туралы ойлайсыңдар және нені қолдайсыңдар, соны біліп алуға тырысыңдар. Өзгелердің бостандығы үшін күресіңдер, олар да сендер сияқты азат болып жүрсін. Басқаларға көмегін тигізетін өмірді сүріңдер».
Жоғарыда айтылғандарға актриса келесі сөздерді де қоса кетті: «Біздің қазіргі өміріміз үшін күрескен әйелдерге кезінде қалай қиын болғанын ойлап жүремін. Барлығы біздің күнделікті өмір сүру салтымызға, құқығымызды қаншалықты біліп, күресе алатынымызға және әлемдегі әйелдермен қалай қарым-қатынас орнататынымызға байланысты».
пікірлер жоқ, бірінші болыңыз
Пікір қалдыру үшін