«Чарли періштелері»: франшизаның қайта шығарылымы алдыңғы нұсқадан өзгерек болады
«Чарли періштелері» франшизасының қайта шығарылымы алдыңғы нұсқадан өзгерек болмақ. Актриса Кристен Стюарт («Жекелеген сатып алушы», «Ақсүйектер өмірі») өзі басты рөлдердің бірін сомдайтын жобаның жай-жапсарымен бөлісті. Режиссер Элизабет Бэнкс «Чарли періштелері» қайта шығарылымын басқармақ ниетте, сондықтан оның материалға деген көзқарасы белгілі болып тұр. Қазір түсірілімге дайындалып, кейіпкерінің образына барынша енуге тырысып жүрген Стюартқа сенсек, «Чарли періштелері» мүлдем өзгеше болады.
«Біз әсерлерді жоғалтып, алдыңғы «Чарли періштелері» және «Чарли періштелері 2: Тек алға» таспаларының пародиясы болмауға тырысып жатырмыз. Сондықтан, картина әйелдер арасындағы серіктестікті, заманауи әдістерді көрсетуге негізделген. Бұл бір уақытта рухани әрі қызықты бола түспек, әзірге жобаға өткен бөлімдердің өзегіне айналған фирмалық элементтер жетіспей тұр», - деп хабарлады жаңа «Чарли періштелері» жайлы Стюарт.
Режиссер Бэнкс сценарий жазуға атсалысып, ««Чарли періштелерінде» ешқашан кадрдан көрінбейтін жұмбақ Чарли Таунсендтің детективті агентін басқаратын Босли рөлін сомдайды. «Жұмбақ Чарлиге жұмыс істейтін жаңа Періштелер ұрпағы пайда болды. Таунсенд агенттігі үлкейе түсіп, жеке клиенттердің қауіпсіздігін қамтамасыз етумен айналыса бастады, қазір бүкіл әлемде арнайы оқытылған агенттер тобы мен бөлімшелері де бар. Бұл фильм сол топтардың біріне тоқталады», - деп жалпы бөліктерді айтып берді Кристен Стюарт.
«Чарли періштелері» комедиялық шытырман оқиғалы атыс-шабыс фильмі 2019 жылдың 6 маусымында айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін