Азамат Сатыбалды жеке театр ашты
Отандық театр және кино актері Азамат Сатыбалды продюсерлік саламен айналысуды шешті. Ол биыл «Cinema 28» киностудиясының негізін қалап, «Бір сен үшін» жаңа фильмінің продюсері атанды. Сонымен қатар, «Театр 28» атты өзінің жеке театрын ашып үлгерді.
«Театр ашу идеясы 10 жыл бұрын туындаған еді. Осыншама жыл аралығында мен оған ұзақ дайындалдым. «Театр 28» жоғары жастағы аудиторияға бағытталған, ол жерде қойылымдарды арнайы шақырылған режиссерлар мен актерлар қояды. Ал мен театр қойылымдарының продюсерлігімен айналысамын»,-дейді Азамат Сатыбалды.
Театрдың алғашқы қойылымы Михаил Задорновтың аттас комедиясының желісімен қойылған режиссер Айдын Сахаманның «Күйеуіңізді сатыңызшы» туындысы болмақ. Негізгі рөлдерді актрисалар Ажар Мағзұм және Жанар Мақашева сомдайтын болады. Қойылымның тұсаукесері 15-мамыр күні Алматы Мемлекеттік қуыршақ театрында болады.
Қазіргі таңда «Театр 28» тобы аталған қойылымға қызу дайындық үстінде.
пікірлер жоқ, бірінші болыңыз
Пікір қалдыру үшін