«Бамблби»: Хейли Стайнфелд пен Трэвис Найт «Трансформерлер» эстафетасын қабылдады
Paramount Pictures студиясы «Бамблби» фантастикалық шытырманға толы атыс-шабыс фильмінің екінші дубляждалған трейлерін ұсынды. Актриса Хейли Стайнфелд («Мінсіз дауыс 3», «Он жеті») және режиссер Трэвис Найт («Кубо. Самурай туралы аңыз») жобада продюсер болып қалған Майкл Бэйден «Трансформерлер» приквелінің эстафетасын қабылдап алды.
Аздаған кассалық жинақ пен киносыншылардың кереғар пікірлерінен кейін «Трансформерлер» франшизасы қайта өңдеуді, жаңашылдықты талап етті. Сондықтан, қазір Paramount режиссерлік дебютіне еті тірі актерлар арқылы ерекшелік пен кезекті «Оскар» таспасын алып келеді деп, «Бамблби» мен Трэвис Найтқа үміт артып отыр.
«Бамблби» оқиғасы 1987 жылы өрбиді, жасөспірім қыз Чарли (Хейли Стайнфелд) шайқаста жаралы болған робот жасырынған ескі «Фольксвагеннің» иесі атанады. Олар бірден достасып, бірігеді де, келе жатқан соғысты тоқтатуға тырысады. Бір қызығы, жаңа роликтен байқағанымыздай, Трэвис Найт таспасында міндетті түрде трансформерлермен байланысы бар негізгі кейіпкер Оптимус Прайм болады.
«Бамблби» фантастикалық шытырманға толы атыс-шабыс фильмі 2018 жылдың 20 желтоқсанында айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін