Paramount студиясы тұсаукесерлі күнтізбесінің жаңартылған нұсқасын жариялады
Paramount студиясы өткен сәрсенбіде тұсаукесерлі күнтізбесінің жаңартылған нұсқасын жариялады. Қазір ерекше назарда жүрген «Үздік мерген» қайта шығарылымының тұсауы 2020 жылдың 26 маусымында кесіледі. Осылайша, бұл блокбастердің таныстырылымы бір жылға (алдыңғы жолы тұсаукесер 2019 жылдың 12 шілдесіне жоспарланған болатын) шегерілді. Басты рөлдерді Том Круз бен Майлз Теллер сомдайтын фильм актерлардың жоспарланған уақыттан да көп уақытты талап еткен пилотаж негіздерін үйренуіне байланысты ауыстырылды.
Сондай-ақ, студия «Тыныш мекен» жалғасының экранға шығатын уақытын хабарлады, енді ол 2020 жылдың 15 мамырында көрсетіледі. Түпнұсқа фильмнің режиссері болған Джон Красински сиквел сценарийін жазып жатыр. Франшизаның екінші бөлімінің режиссері қайтадан Красински бола ма, жоқ па, ол уақыттың еншісінде. Биылғы жылы «Тыныш мекен» хорроры кассалы сенсация жасап, халықаралық айналымда 330 млн доллардан астам қаржы тапқан болатын. Красинскидің осы жұмысы биылғы жылдың ең табысты фильмі атанды.
Одан бөлек, Paramount 2019 жылға қатысты тағы екі ауысымды хабарлады. «Соник кірпі» тұсаукесері 2019 жылдың 15 қарашасынан 8 қарашаға ауысты, ал әзірге ресмии атауы жоқ Терминатор жайлы франшизаның жаңа бөлімі 22 қарашадан 15 қарашаға ауыстырылды.
Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін