«Тыныш мекен»: ерекше хоррорға арналған ақтық трейлер
Актер әрі режиссер Джон Красинскидің («Тыныш мекен» хикаясы) алғаш рет «Оңтүстікке оңтүстік-батыс арқылы» фестивалінде ұсынылған «Тыныш мекен» қорқынышты фильмі аталмыш жанрдың жанкүйерлерін дүрліктіруде. Таспа көрсетілімнен кейін сыншылар тарапынан жеткілікті деңгейде жағымды пікірге ие болды және олардың пікірінше бұл жұмыс әуел бастан көрерменді қызықтырып, мықтап ұстап алады және босатпайды.
«Тыныш мекеннің» басты рөлдеріне Джон Красинскидің өзі және Эмили Блант («Пойыздағы қыз», «Қанішер») түсті. Фильм оқиғасы ақырзаманнан кейінгі әлемде өмір сүретін отбасының айналасында өрбиді. Кез келген уақытта оларға айналасындағы өлім әкелетін қорқынышты тіршілік иелері шабуылдауы мүмкін. Бұл жаратылыс иелері енді барлық әлемде үстемдік етеді. Олардан қорғанудың тиімді жолы - тыныштықты сақтау. Тіпті, байқалмайтын дыбыстың өзінде олар тірі қалған адамдарға шабуылдай бастайды...
«Тыныш мекен» хорроры ауқымды айналымға осы жылдың 12-ші сәуірінен бастап шығады.
пікірлер жоқ, бірінші болыңыз
Пікір қалдыру үшін