«Жауынгер»: есірткі саудасына қарсы күресетіндер «Қанішер» сиквелінің алғашқы трейлерінде
Sony «Қанішер 2: Жауынгер» таспасының алғашқы трейлерін жариялады. Бенисио Дель Торо («Мінсіз күн», «Жұлдыздар соғысы: Соңғы джедайлар») және Джош Бролин («Батылдар ісі», «Цезарь жасасын!») жедел қызметкер Алехандро Гиллик пен ОБҚ (ЦРУ) агенті Мэтт Грейвер рөлінде қайта оралмақ. Эмили Блантпен бірге 2015 жылы «Қанішерде» басты рөлдерді сомдаған жұп Құрама Штаттары мен Мексика шекарасында есірткіге қарсы күресті қайта жүргізеді. Олар Америка шекарасын террористер арқылы заңсыз өтпек болған есірткі саудагерлерімен арпалысады, ақыры екі картельді бір-біріне қарсы айдап салмақ болады.
«Сіздер осының барлығын бастан кешуімді қалап тұрсыздар ма? Мен батпаққа батуға мәжбүр боламын», - дейді Бролин кейіпкері мемлекеттік шенеуніктерге. Әрі қарай Грейвер соғыс бастайтынын Гиллике хабарлайды. Ол «Кімге қарсы?» деген сауалға «Барлығына қарсы» деп жауап береді.
Трейлердің өзінде шөл даланың бойымен ұшып жүрген тікұшақтар, түрлі көлік құралдарының атылып жатқандары көрсетіледі. Режиссер Дени Вильнёв және Эмили Блант жалғасының түсіріліміне қатыспады. «Жауынгермен» итальяндық режиссер Стефано Соллима айналысты, ол көпшілікке «Гоморр» хикаясы арқылы таныс. Сиквел сценарийін қайтадан Тейлор Шеридан («Желді өзен») жазды.
«Қанішердің» жалпы бокс-офисы 85 миллион долларды құрады. Таспа «Оскардың» үш номинациясын иеленген.
«Жауынгердің» Қазақстандағы тұсаукесері 2018 жылдың 28 маусымында болады.
пікірлер жоқ, бірінші болыңыз
Пікір қалдыру үшін