«Шапшаң отбасы»: Paramount студиясы тұсаукесерді үш айға жақындатты
Paramount студиясы Марк Уолберг («22 миль», «Әлемнің бар қаржысы») пен Роуз Бирннің («Жалаңаш Джульетта», «Мен сені жақсы көремін, әкешім») қатысуындағы «Шапшаң отбасы» отбасылық комедиясының тұсаукесерін үш айға жақындатты. Фильм рождество алдындағы жарыстан шығып қалды, оның тұсаукесері 2019 жылдың 14 ақпанынан 2018 жылдың 16 қарашасына ауыстырылды. «Шапшаң отбасы» режиссер әрі сценарист Шон Андерстің («Қош келдің әке, Жаңа жыл!», «Төзгісіз бастықтар 2») өмірінде болған шынайы оқиғаларға негізделген.
Paramount тест нәтижесінен шыққан жағымды көрсеткішті барынша қолданғысы келеді, сондықтан таспаның тұсаукесерін америкалық Алғыс күніне жақындатып отыр, бұл сарапшылардың пікірінше, отбасылық аудиторияның қызығушылығын тудыруы тиіс. Былтырғы жылы мұндай көрсеткішті Lionsgate студиясының «Ғажайып» отбасылық драмасы көрсеткен болатын, ол айналымда 130 млн АҚШ долларынан астам қаржы жинаған.
«Шапшаң отбасының» сюжеті бойынша Уолберг пен Бирн отбасы болуды ұйғарып, жабайы үш баланы асырап алғысы келетін жұпты сомдайды, ал балалар жаңа ата-аналарына үйрене алмайды. «Трансформерлер: Соңғы сарбаз» жобасында басты рөлдердің бірін сомдаған Изабела Монер бұл жолы 15 жасар бұзық асыранды тәрбиеленушіні сомдайды.
«Шапшаң отбасы» отбасылық комедиясы 2018 жылдың 16 қарашасынан бастап айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін