Джеймс Марсден «Соник кірпі» фильмінде басты рөлді сомдайды
Джеймс Марсден («Жабайы Батыс әлемі» хикаясы, «Мендегі бар жақсылық») «Соник кірпі» фильмінде басты рөлді сомдайды. Paramount студиясы тұсаукесерді классикалық бейнеойын негізінде дайындап жатыр. Экранды бейімдеуі ойнамалы киноны да, анимация элементін де қамтымақ. «Соник кірпіні» экрандау құқығы 2017 жылы сатып алынған, ал «Гилмор қыздары» хикаясы арқылы танылған актер Джефф Фаулер режиссер болып тағайындалды.
Sega компаниясы «Соник кірпі» ойынының нұсқасын 1991 жылдан бері шығарып келеді. Қазіргі таңда әлем бойынша түрлі құрылғыларға арналған 360 миллионнан астам көшірмесі сатылып үлгерген. Бұл квесттің басты кейіпкері – Соник кірпі – жануарларды түрмеге қамап, роботқа айналдырып жіберген Дәрігер Роботникті жеңуі тиіс. Одан бөлек, Дәрігер Роботник Хаостың сиқырлы Зүбәржатын ұрлап алған еді.
Таспа продюсері Нил Х. Мориц («Жолаушылар», «Форсаж 7») болмақ, ол жақында Paramount-пен келісімге отырған болатын. «Дэдпул» режиссері Тим Миллер бұл жобада атқарушы продюсер қызметін атқарады. «Соник кірпі» картинасының ресми тұсаукесері 2019 жылдың 15 қарашасына жоспарланған.
.jpg)
пікірлер жоқ, бірінші болыңыз
Пікір қалдыру үшін