«Форсаждың» продюсері тылсым күштер жайлы баяндайтын «Шексіздік» триллеріне топ жинауда

6 Наурыз, 2018
Мадина
998
0

Тылсым күштер жайлы баяндайтын «Шексіздік» триллерінің сценарийін Джейкоб Чейз («Төртжүзді өтірікші») арнайы жазатын болады. Бұл режиссер 2016 жылы американдық футболдың финалды жарысы Супербоул кезінде көрсетілген «Doritos иттері» коммерциялық ролигінің түсірілімі үшін 1 миллион долларға ие болған еді. Бір қызығы, бұл роликті Чейз бір күннің ішінде түсіріп, түсірілімге бар-жоғы 1000 доллар жұмсаған.

Қазіргі жағдайда Sony Джейкоб Чейзді жалындап келе жатқан жас режиссер ретінде шақырды. «Шексіздіктің» продюсері «Форсаж» франшизасы арқылы танылған Нил Х. Мориц болды. Фильм түсірілімімен оның Original Films компаниясы айналысады. Картинадағы оқиға жанкешті ғалымдар тобының айналасында өрбиді, олар ғарыштың терең аймағына қауіпті экспедицияға аттанады: ол жақта ақыреттік өмірді зерттеуге кіріседі.

Джейкоб Чейз – бұрынғы бала-актер, ол «Жігіт әлемді танып келеді», «Жетінші аспан» және «Конан» хикаяларына түскен. Ол Голливудта жоғары сұранысқа ие, себебі екі апта бұрын Picture Company Чейздің режиссер әрі сценарист ретінде «Ларри» қысқаметражды бейімдеуіне шақырылғанына қатысты өз пікірін білдірген болатын.