«Үздік мерген 2»: Дженнифер Коннелли актерлік құрамға қосылмақ
Дженнифер Коннелли («Батылдар ісі», «Американдық пастораль») 1986 жылғы түпнұсқа фильмінің сиквелі «Үздік мерген 2» жобасының актерлік құрамына қосылады. Қазір бұл таспамен Paramount және Skydance студиялары айналысып жатыр. Режиссер Джозеф Косински («Обливион», «Тақ: Мұра») әйгілі продюсер Джерри Брукхаймермен («Кавалерия», «Кариб теңізінің қарақшылары: Өлгендер ертегі айтпайды») бірге жалғасымен айналысады. Дженнифер Коннелли авиабаза жанындағы барға иелік ететін жалғызбасты ананы сомдайды деген болжам бар.
Басты рөлді сомдаушы Том Круз («Америкада жасалған», «Мумия») мамыр айының соңында Boeing F/A-18 Super Hornet палубалы жойғышының жанында тұрған суретін жариялаған болатын. Технологиялық көзқарас бойынша, «Үздік мерген 2» картинасындағы оқиға ұшқышсыз ұшатындар әлемінде орын алады және Круздың кейіпкері нұсқаушы ұшқыштың көмегі арқылы әуе шайқастары эрасының қаншалықты аяқталғаны анықталады.
Түпнұсқа «Үздік мерген»халықаралық айналымда 350 млн. доллар көлемінде өте жақсы бокс-офис жинады, ал өндірістік бюджеті 15 млн. болатын.
«Үздік мерген 2» атыс-шабыс фильмі 2019 жылдың 12 шілдесінен бастап айналымға шығады. Афишамызды қарап жүріңіздер.
.jpg)
пікірлер жоқ, бірінші болыңыз
Пікір қалдыру үшін