Баян Алагөзова Скриптонитке қолдау білдірді
Баян Алагөзова Павлодар облысының билік өкілдеріне қарата сөз айтқан рэп орындаушы Скриптонитке (Әділ Жәлелов) қолдау білдірді. Орындаушы Астанадағы концерті кезінде туған жеріндегі жолдардың мүшкіл жағдайын, аэропорттағы селқос жұмыстарды және арнайы автобустардың жоқтығын айтып, сынға алған еді.
Баян Алагөзова өз кезегінде, билік өкілдері рэп орындаушының сөзіне құлақ асатын шығар деп отыр, себебі Скриптонит Қазақстанда ғана емес, шет елдерде де танымал.
«Скрипи туып-өскен «Ленинский» ауылының жолдарын жақында жөндейтініне 100% кепілдік беремін, оның себебі бұл Әкімшілік қызметінің міндеті ғана емес, себебі бұл турады Қазақстанда ғана емес, шет елдерге танылған әртіс айтып отыр. Негізі, еліміздің барлық қалаларында жолдар осындай. @real_scrip-тен басқа да аймақтар үшін бір ауыз сөз айтуын сұрауымыз керек шығар? Кім қолдайды?», - деді продюсер Инстаграмдағы оқырмандарына.
пікірлер жоқ, бірінші болыңыз
Пікір қалдыру үшін