Баян Есентаева БАҚ-ты сотқа бермек
Баян Есентаева қазақстандық БАҚ-ты, нақтырақ айтқанда қазақтілді Qamshy.kz порталын сотқа бермек. Бұл туралы ол өзінің Инстаграм парақшасына жариялады:
«Бұл менің осы порталға және мақала авторы құрметті Таңшолпан Ахметовнаға деген алғашқы талабым. Мен БАҚ өкілдеріне менің жеке өміріме қатысты кәсіби этиканы сақтауларыңызды өтінемін. Болмаса мен өз құқығымды Қазақстан республикасының тиісті заң органдары арқылы қорғайтын боламын. Түсінгендеріңізге рахмет».
Баян Есентаева жарияланған мақаланы жоққа шығарып, нақты емес деректерді көз жеткізбей тұрып порталға жариялағаны үшін өзінен ресми түрде кешірім сұрауды талап етеді. Qamshy.kz 3 ақпанға дейін бір шешімге келмесе, продюсер сотқа жүгінбек.
Осыдан бір күні бұрын продюсер Facebook әлеуметтік желісіндегі оқырмандарының бірін де сотқа берем деп қорқытты.
пікірлер жоқ, бірінші болыңыз
Пікір қалдыру үшін