Баян Есентаева өмірін құтқарған дәрігерлерді Медицина қызметкерлері күнімен құттықтап қайтты
Медицина қызметкерлері күні қарсаңында Баян Есентаева Талғар аудандық орталық ауруханасына барып, қызметкерлерді мерекемен құттықтап қайтты. Бұл жөнінде продюсер өзінің Instagram парақшасында хабарлаған. Баян өзінің өмірін құтқарып қалғаны үшін оларға шексіз ризашылығын білдірді.
«Осы кісілердің арқасында мен бір жыл бұрын бір өлімнен аман қалдым. Бүгін Талғар аудандық орталық аурухананың дәрігерлері мен барлық медицина қызметкерлеріне үлкен алғысымды айтуға келдім. Өмір үшін Рахмет! Біз гүлдер дүкеніне кіріп, жүз бір раушан гүлін сатып алуды ұйғардық. Санап отырғанда, дәл менің жасым секілді туп-тура қырық үш раушан қалды, міне, қызық. Сол күні менің жанымда болған әр адамға тағы да алғыс айтамын, маған жақсы көруге, өмір сүруге мүмкіндік бергендеріңіз үшін рахмет. Еліміздің барлық медицина қызметкерлерін келе жатқан мерекемен құттықтаймын! Аман болыңыздар!»,-деп жазды Баян Есентаева.
.jpg)
Суреттер Баян Есентаеваның жеке Instagram парақшасынан алынды
Еске сала кетсек, былтыр 10 маусымда продюсер жараланып, Талғар аудандық орталық ауруханасына жеткізілген болатын. Күдікті ретінде Баянның бұрынғы күйеуі Бақытбек Есентаев тұтқындалған. Кейіннен, ол өз кінәсін мойындады. Соттың шешімі бойынша ол 9 жылға бас бостандығынан айырылды.
Бұл оқиға туралы және жеке өмірі жайында Баян Мақсатқызы жақын арада шығатын «Баян» өмірбаяндық кітабында айтып бермек.
пікірлер жоқ, бірінші болыңыз
Пікір қалдыру үшін