Баян Есентаева жаңа хикая түсірмек
Продюсер Баян Есентаева атауы әзірге белгісіз тарихи хикаяның түсіріліміне дайындалу үстінде. «Esentai production» продюсерлік орталығының алдыңғы жұмыстары: «Астана – махаббатым менің», «Махаббатым жүрегімде», «Тракторшының махаббаты», «Өгей жүрек» және «Қазақ аруы».
Хикаяның нақты қашан түсірілетіні және оның не жайында болатыны әзірге белгісіз. Баян Мақсатқызы жаңа жоба туралы алдыңғы жолы Brod.kz сайтына берген сұхбатында былай деген еді:
«Мен жазда хикая түсіремін деп ойлаймын. Оның қандай екенін әзірге айтпай-ақ қояйын, бірақ оның өте әдемі болатыны сөзсіз. Мұндай жанрда әлі жоба жасаған емеспіз. Бұл аса сақтықпен әрі үлкен сезіммен кірісіп жатқан алғашқы жұмысымыз болмақ».
Суреттер Баян Есентаеваның жеке Instagram парақшасынан алынды
Қазіргі таңда Есентаева басты рөлдерді сомдайтын актерлерге жабық кастинг өткізіп жатыр. Сонымен қатар, продюсер хикаяға саундтрек жазу үстінде. Арман Дүйсенов жазған композицияны «КешYou» тобы орындайды.
«Esentai production» орталығымен қатар, биылғы жылы «Қазақфильм», «Satai film» («Томирис») және «567 cinema» студиялары да тарихи фильмдерді түсірмек.
Превью: today.kz
пікірлер жоқ, бірінші болыңыз
Пікір қалдыру үшін