Базз Олдрин «Айдағы адам» фильміндегі америкалық туға қатысты дауға пікірін білдірді
88 жасар Базз Олдрин Венеция фестивалінің ашылу фильмі атанған режиссер Дэмьен Шазеллдің («Ла-Ла Ленд», «Құлай берілу») «Айдағы адам» фильміндегі америкалық туға қатысты дауға пікірін білдірді. Белгілі астронавтардың бірі Айдың бетінде ту орнатып жатқан суретін Twitter'гe жариялады. Суретте оның және Нил Армстронгтың қайда тұрғаны анық көрініп тұр.
Олдриннің хабарламасы жексенбі күні пайда болды және онда көптеген хэштегтер бар: #proudtobeanAmerican, #freedom, #honor, #onenation, #Apollo11, #July1969, #roadtoApollo50. Бұл астронавт Айға табаны тиген әлемдегі екінші адам болып табылады. Ол экипаж командиры Нил Армстронг жайлы баяндайтын (фильмде оның рөлін Райан Гослинг ойнайды, «Жүзбен жүгіруші 2049», «Даңқты жігіттер») «Айдағы адам» фильмінде америкалық тудың айдың бетінде орнатылғаны көрсетілмегенге қынжылды.
Нил Армстронг 2012 жылы 82 жасында қайтыс болған. «Айдағы адамда» басты рөлді сомдаушы ретінде Гослинг режиссер Шазеллдің көзқарасын жақтап, Айды «көптеген елдер мен шекаралардан алыста орналасқанын» айтады. Алайда, мұндай көзқарас көптеген саясаткерлерге ұнай қоймады, оның ішінде АҚШ Республикалық партиясының белгілі өкілі Марко Рубио да бар, ол Шазеллдің картинасында америкалық тудың Айға орнатылғанын сипаттайтын суреттің жоқтығына ашуланды. Сонымен қатар, Армстронгтың ұлдары да осы тақырыпқа пікірлерін білдіріп, фильмді антиамерикандық деп санамауға шақырды.
пікірлер жоқ, бірінші болыңыз
Пікір қалдыру үшін