Билл Скарсгард «Оно» хоррорында сайқымазақты сомдап, Стивен Кинг кітабы бойынша түсірілетін жобаға қайта қатыспақ

• 11 Шілде, 2017
• Мадина
• 1 166
• 0

Швед актері Билл Скарсгард Стивен Кингтің «Оно» кітабының желісімен түсірілген аттас қорқынышты фильмінде сұмдық сайқымазақ Пеннивайзды сомдады. Бүгінде Скарсгард «Касл-Рок» хикаясымен жұмыс істеу үшін «Hulu» стрим-қызметімен келісім-шарт жасасты. Ол фильмде актер айрықша заңды мәселеге тап болған жас жігіттің рөлін сомдайды.

«Касл-Рок» - бұл Стивен Кинг мультиәлемі. Аталмыш қалада «Куджо», «Өлі аймақ» және «Дене» секілді қорқынышты кітаптардағы оқиғалар өрбіген.

Ендігі кезекте Hulu қызметі «Касл-Рок» хикаясының 10 бөлімін түсіруге ниетті. Атқарушы продюсерлердің бірі Джей Джей Абрамс («Жұлдызды шайқас: Күштің оянуы») болмақ. Ал оның «Bad Robot Productions» компаниясы Warner Bros. Television-мен бірге жобаны өндірумен айналысады.

Хикая тұсаукесері келесі жылы жарыққа шығады.

• 11 Шілде, 2017
• Мадина
• 1 166
• 0