«Челленджер»: Мишель Уильямс астронавт Криста Маколиффтің рөлін сомдайды
Мишель Уильямс («Тұла бойы сұлу қыз», «Әйгілі шоумен») режиссер Мартин Зандвлиеттің («Топ-модель», «Менің жерім») «Челленджер» драмасында астронавт әйел, бұрынғы ұстаз Криста Маколиффтің рөлін сомдайды. Маколифф АҚШ-та президент Рональд Рейганның бастамасымен өткізілген ұлттық байқауда кәсіби еместер арасында ғарышқа ұшу құқығын жеңіп алған. Өлім бұл әйелді Американың ұлттық батыры атандырды.
«Челленджер» түсірілімінің басталуы 2019 жылдың мамырына жоспарланған. Таспа Джейсон Ротуэллдің («Жым-жырт түн», «Малиса ғажайыптар елінде») сценарийі бойынша Argent Pictures студиясында продюсерлер Джон мен Арт Линсондардың басшылығымен түсіріледі, олардың ең жоғары бағаланған жұмыстары - Дэвид Финчермен түсірілген «Ержүректер клубы» және 1995 жылғы Аль Пачино мен Роберт Де Ниро басты рөлдерді сомдаған «Шайқас» фильмдері. Сондай-ақ, таспаға Бен Ренцо («Ұлттың дүниеге келуі») продюсерлік етеді.
«Криста Маколифф пен «Челленджер» міндеті жайлы хикаяны айтуға мүмкіндік бергені үшін тағдырға алғыс айтамыз. Осы әйел туралы естеліктер оның күшіне, батырлығына, тәжірибесі мен ізгілігінің алдында бас идіреді. Мишель Уильямс осы қасиеттердің барлығын экран арқылы бере біледі деп үміттенеміз», - деді Ренцо ресми мәлімдемесінде.
пікірлер жоқ, бірінші болыңыз
Пікір қалдыру үшін