Чиветель Эджиофор «Арыстан патша» жаңа фильмінде жағымсыз басты кейіпкерді сомдамақ
«12 жылдық құлдық» фильмі арқылы танымал Чиветель Эджиофор Джон Фавроның «Арыстан патша» фильміне қатысу жөнінде келіссөздер жүргізіп жатыр. Актерге басты жауыз Шрамның рөлін ұсынып отыр.
«Арыстан патша» жаңа ойнамалы фильмі «Ормандар кітабы» секілді түсіріледі. Яғни, компьютерлік анимация шынайы түсірілімдермен байланысатын болады. Дональд Гловер басты кейіпкер Симбаны, оның әкесін, Муфас патшаны Джеймс Эрл Джонс дыбыстамақ.
D23 Expo фестивалінде фильмнің алғашқы тизері ұсынылған еді. Оны көрермендер жақсы қабылдады.
«Арыстан патша» мультфильмі 1994 жылы шыққан. Туынды үш «Алтын глобусты» және екі «Оскарды» иеленген.
«Арыстан патша» жаңа фильмінің тұсаукесері 2019 жылдың 18 шілдесінде болады.
пікірлер жоқ, бірінші болыңыз
Пікір қалдыру үшін