Даррен Аронофски өзінің «Анашым!» жаңа фильміне қатысты айтылған сындарға назар аудармайды
Даррен Аронофскидің жаңа хоррорына қатысты айтылған сындар қызу талқылануда. Ол New York Observer басылымындағы Рекс Ридтың фильм туралы айтылған пікірінің ішіндегі «Бұл ғасырдағы ең нашар фильм» деген сөздері сүйікті пікірнамасына айналғандығын айтты.
Режиссер Аронофски пікірлерге аса назар аудармайтынын жеткізді. Ол өзінің туындыларын шығара беретінін, ал кейін болар дүниенің бәрібір болатынын білдірді.
Уақыт бәріне емші. Оның үстіне, сыншылардың пікірлерін жиі өзгертіп отыратыны анық.
Даррен Аронофски бұрынғы кезде «Фонтан» фильміне қатысты да осындай қарсы пікірлердің айтылғандығын, кейіннен шедеврге айналғандығын айтты.
«Анашым!» фильмінде кадрларға бөлу деген әңгіме жоқ, барлық фильм бөлусіз түсірілген. Оның үстіне, картинада шолу эффектілерінің 1200 түрі бар, бірақ көрермен оны аса байқай қоймаған болар.
пікірлер жоқ, бірінші болыңыз
Пікір қалдыру үшін