Мартин Скорсезе Rotten Tomatoes сайтын негативизм үшін кінәлады
Режиссер Мартин Скорсезе The Hollywood Reporter басылымы арқылы көрермендерге киноны Rotten Tomatoes сайты мен Cinemascore компанияларының рейтингі бойынша бағаламауды сұрады. Автордың айтуынша, мұндай сайттар киносынды төмендетіп, киноның мәдениет ретіндегі құндылығын жоғалтатын көрінеді.
Ол бағалардың айналымдағы көрсеткіштерге қарап қойылатынына сенімді, себебі олар кинокәсіпке тікелей байланысты, авторлар мен кино көрушілерге мүлдем қатысы жоқ. Скорсезенің пікірінше, Rotten Tomatoes («шіріген қызанақтар») сайтының атауының өзі көрермендерді кинематографқа қарсы қоятын сияқты. Скорсезе өзінің мәлімдемесінде Даррен Аронофскидің «Анашым!» фильмімен де осындай жағдайдың болғандығын жазған. Кино Cinemascore-да төмен бағаланған. Режиссер картинаның мағынасын түсінбей, көрермендер дұрыс бағаламады деп ойлады. Скорсезенің өзі фильмді бірнеше апта бұрын көрген екен, бірақ әлі де ерекше әсерде жүр. Оның ойынша, мұндай фильмді өз ісіне берілген нағыз режиссер ғана жасай алады. Жақсы картиналарды көрермендер аса түсінбейді, сондықтан қабылдай алмайтын секілді. Мұндай мысалдарды көптеп келтіруге болады, бастапқыда көрерменнің көңілінен шықпаған фильмдер кейіннен классикаға айналып жатады.
пікірлер жоқ, бірінші болыңыз
Пікір қалдыру үшін