Дэнни Бойл Джеймс Бонд жайлы кезекті фильмнің режиссерлігіне қатысты ұсыныстан бас тарту ақымақтық екенін айтты
Дэнни Бойл Джеймс Бонд жайлы франшизаның есеп бойынша 25-ші фильмінің режиссерлігіне қатысты ұсыныстан бас тарту ақымақтық болатынын хабарлады.
«Біз қазіргі уақытта сценариймен айналысып жатырмыз. Барлығы осыған байланысты. Мен қазір Ричард Кёртистің («Болашақ бойфренд», «Адуынды жылқы») сценарийін қарастыру үстіндемін. Біз түсірілімге 6-7 аптадан кейін кірісеміз деп ойлаймыз. Сондықтан, Бонд жайлы кезекті фильмді жылдың соңында дейін аяқтағанымыз дұрыс болар еді», - деп хабарлады баспасөзге Бойл.
Одан бөлек, режиссер сценариймен үнемі өзімен бірге жұмыс істейтін Джон Ходж айналысатынын хабарлады. Бұдан бұрын, Бойл-Ходж жұбы көпшілікке танымал «Таяз қабір», «Инеде», «Жағажай» және «Үйреншікті емес өмір» фильмдерімен жұмыс істеген болатын.
«Біз Джон екеуіміз бір-бірімізді жақсы түсінеміз. Менде фильмге қатысты идея бар. Ходж қазіргі уақытта сценариймен жұмыс істеуде. Барлығы осы жұмыстың қаншалықты дамитынына байланысты. Қазір белгілі бір нұсқаға басымдық беру ақымақтық болар еді», - деді өзінің серіктесі жайлы Бойл.
Өткен айда Дэнни Бойлдың есімі кезекті «бондиананың» жұмысы ұсынылатын режиссерлер тізімінде алдыңғы қатарда тұрғаны хабарлағанған болатын. Дэниэль Крэйг 007 агентінің рөліне қайта оралмақ. «Бонд 25-тің» айналымға шығуға жоспарланған уақыты - 2019 жыл. Бойлдың соңғы жобаларының қатарына «Лашықтан шыққан миллионер», «127 сағат», «Стив Джобс» және «Т2 Трейнспоттинг (Инеде 2)» жатады.
пікірлер жоқ, бірінші болыңыз
Пікір қалдыру үшін