«Довлатов»: XX ғасырдың ұлы жазушысы туралы фильмнің алғашқы постері

5 Февраля, 2018
Мадина
739
0

«Довлатов» фильмі жайында әзірге көп нәрсе белгілі емес. Бұл қарапайым жағдайға байланысты. Жақында 68-ші Берлин кинофестивалінде «Довлатовтың» әлемдік ресми тұсауы кесіледі. Кіші Алексей Герман өз жұмысын фестивальдің ресми байқауында ұсынады, фестивальде түрлі Күміс пен Алтын Аюларға, Берлиналенің дәстүрлі сыйлықтарына таласатын болады.

«Довлатовтың» көрермендері бірнеше күнге өткен ғасырдың 70-жылдарының басындағы Ленинградқа саяхат жасайды. Оның досы, Нобель сыйлығының болашақ иегері Иосиф Бродский КСРО-ны мәңгілікке тастап кетуге дайындалады. Кіші Алексей Герман кеңестік интеллигенттің өмірін өткір әзілдермен бейнелейді, ол бізге XX ғасырдың ең танымал орыс прозашысы Сергей Довлатовтың өмірін көрсетеді.

Бұл нәзік, керемет, күлкілі адам, ол шығармашылық жолын асықпай таңдап, түрлі күлкілі жағдайдарға тап болады. Қылмыспен бетпе-бет ұшырасу, Ленинградтағы ақсүйектік және әдеби өмір, «Ленфильм» киностудиясы, музыка, өлеңдер оқу, журналист кәсібі, еш жерде кездесе қоймайтын қуыршақты қызына қалай да алып беруге ұмтылу – барлығы бар.

«Довлатов» өмірбаяндық драмасы 2018 жылдың 1 наурызынан бастап кинода.

Фильмнің Қазақстандағы ресми таратушысы - Meloman Entertainment компаниясы.