«Джокер»: Алек Болдуин Бэтменнің әкесі болуға дайын

28 Тамыз, 2018
BrodKaz
1 167
0

Танымал актер Алек Болдуин («Орындалмайтын тапсырма: Салдары», «Қара кландық») «Джокер» комиксінде Бэтменнің әкесі Томас Уэйн рөлін сомдайды. Ол Warner Bros. студиясының шақыртуына ие болды. Бұл жобадағы басты рөлді Хоакин Феникс («Мария Магдалина», «Уайымдама, ол алысқа кетпейді») сомдайды.

Феникспен келіссөз жүргізіп болған соң, Warner Bros. түсірілімді бастауға рұқсат берді, ол қыркүйек айына жоспарланды. Таспа бюджеті шағын ғана болмақ: 55 млн доллар. Тодд Филлипс («Қарулы жігіттер», «Вегастағы ерлер кеші») біруақытта «Джокердің» қойылымымен және сценарийімен айналыспақ. Скотт Сильвер («Дауыл басталды», «Жауынгер») Филлипспен бірге экранды хикаямен айналысуда және Хоакин Феникс кейіпкерінің жұмбақ қылмыс үздігі болмай тұрғандағы кезін өңдеп жатыр.

Томас Уэйн кейіпкері 1939 жылы детектив-комикстерінде пайда болған және Бэтмэннің қалыптасу кезеңінің бір бөлігіне айналды. Ол дәрігер болып жұмыс істеп, Готэм-ситиде қайырымдылықпен айналысты. Уэйн көшедегі тонау кезінде әйелімен бірге өлтірілді. Дәл Томас Уэйн Бэтмен ретінде қылмыскерлермен күресті бастаған ұлы Брюстің шабытын шарықтатты.