Санжар Мәдидің қатысуындағы «Бөтен емес» фильмі «Кинотавр» фестивалінде көрсетіледі
29-шы Ресейлік «Кинотавр» ашық кинофестивалінде Санжар Мәдидің қатысуындағы фильм көрсетіледі. Актер Вера Глаголеваның соңғы режиссерлік жұмысы - «Бөтен емес» картинасына түсті, фильмнің тұсауы арнайы көрсетілім барысында кесіледі. Фестиваль 2018 жылдың 2-10 маусым аралығында Сочиде өтеді.
«Бөтен емес» фильмінде Санжар Мәди басты кейіпкердің бірі Рустамды сомдады. Сюжет бойынша Рустам – Орта Азияның тумасы, ол Ресейдің кішкентай қалашығында жұмыс істейді. Бір күні ол күйеуі қайтыс болған соң, екі баласымен жалғыз қалған Галинамен танысады. Кейіпкерлердің қарым-қатынастары үйленуге дейін барады. Аяқ астынан үйіне оралған Галинаның сіңлісі Мила жағдайды ушықтырады. Рустам мен Миланың арасында сезім пайда болады.
Таспа Ольга Погодина-Кузьминаның «Саз шұңқыр» пьесасының экрандауы болып табылады. Картина былтырғы жылы көтемде Ресейдің Туль облысында орналасқан Алексин қаласында түсірілген. Кейбір көріністер Қазақстанда да түсірілді, оған Бибігүл Ақтан қатысқан.
Сонымен қатар, фильмге ресейлік актерлар Татьяна Владимирова, Анна Капалева, Лилия Волкова және Дмитрий Кривочуров түсті.
Еске сала кетсек, режиссер Вера Глаголева 2017 жылдың 16 тамызында қайтыс болды. Дегенмен, түсірілім тобы картина өндірісін тоқтатпай, Вера Витальевнаның жұмысын соңына дейін жеткізді.
«Бөтен емес» әлеуметтік драмасы ауқымды айналымға биылғы күзде шығарылмақ.
«Бродвей» кинопорталы фильм трейлеріне назар аударуды ұсынады.
Превью: Санжар Мәдидің жеке Instagram парақшасынан
пікірлер жоқ, бірінші болыңыз
Пікір қалдыру үшін