«Жарқыра»: қатігез Суперменге арналған жаңа мүмкіндік
Sony Pictures студиясы режиссер Дэвид Яровескидің («Рой») «Жарқыра» қорқынышты фильмінің ресми трейлерін ұсынды. Қудалауға ұшыраған Джеймс Ганн («Галактика сақшылары») Disney-ден кеткен соң, әлі толық есін жиған жоқ, дегенмен осы таспаның продюсерлерінің бірі ретінде оның есімі тізімде бар. Түрлі жанрлардың қосындысынан тұратын жобаның негізгі айтары: Супермен жақсы істер жасауды тоқтатып, нағыз жауызға айналса, не болар еді деген идеяны береді.
Кез-келген жағдайда «Жарқыра» сюжеті суперқаһарманның пайда болуы туралы дәстүрлі хикаяны еске салады. Рөлдерін жұлдыздар Элизабет Бэнкс («Ересектерге арналған ойыншықтар», «Мінсіз дауыс 3») пен Дэвид Денман («Пазл», «Логан сәттілігі») ойнайтын ерлі-зайыптылар бір баланы тауып алып, оны өздерінің ұлдары ретінде тәрбиелейді. Балақай Жерге апатты жағдайда қонған ғарыш кемесінің келімсегі болып шығады. Бірақ, Супербатыр болудың орнына, ғарыштан келген балақай күннен-күнге жауызға айнала бастайды.
«Жарқыра» қорқынышты фильмі 2019 жылдың 23 мамырынан бастап көрсетіледі. Афишамызды қарап жүріңіздер.
.jpg)
пікірлер жоқ, бірінші болыңыз
Пікір қалдыру үшін