«Өздерін өлтірушілер тобы 2»: Джеймс Ганн сценарий жазады, тіпті режиссер болуы мүмкін
Джеймс Ганн («Галактика сақшалары», «Муви 43») «Өздерін өлтірушілер тобы 2» түсірілімінде режиссер болуы мүмкін және сценарий жазады, осылайша DC әлеміне қосылмақ. Warner Bros. автормен ол Disney мен Marvel-ден кеткен соң, ресми түрде жұмыс істей бастады. Сыншылар мен миллиондаған жанкүйерлердің пікірін екіге айырған екі жыл бұрынғы атышулы комикстің сиквелі Ганның Twitter'дe бұрын жазылған хабарламаларынан соң шыққан шудан кейінгі алғашқы жобасы болмақ. Сыбыс бойынша, даулы танымал Ганн франшизаның екінші бөліміне өзіндік жаңа көзқарас енгізбек.
Дэвид Эйр («Жарқындық», «Ызалық») түсірген бірінші «Өздерін өлтірушілер тобы» 2016 жылдың ең керемет блокбастері атанып, өндірістік шығыны 175 млн болған картина халықаралық айналымда 750 млн доллар табыс тапқан. Жоба DC-дегі актриса Марго Роббидің («Біткен», «Қош бол, Кристофер Робин») мансабындағы бастапқы фильм болды. Қазір Робби қайтадан Харли Квинн образында және режиссер Кэти Яннің («Өлі шошқалар») «Кішкентай жыртқыш құстар» комиксінің түсіріліміне дайындалып жатыр.
Джеймс Ганның DC-дің жаңа жұмыс берушілеріне ауысуы айқын тенденцияны көрсетеді. Marvel-ден түрлі себептермен кеткен көптеген дарындылар бірден Warner Bros.-ке тұрақтайды. Мысалы, жобадан жеке қайғысына байланысты кеткен Зак Снайдердің орнына «Кек алушылардың» режиссері Джосс Уидон былтыр «Әділдік одағы» басшылығына келген.
.jpg)
пікірлер жоқ, бірінші болыңыз
Пікір қалдыру үшін