«Аквамен»: Джейсон Момоа DC әлемін бір ағымда ұстап қалуға тырысып жатыр
Сан-Диегодағы Comic-Con фестивалінде Warner Bros. студиясы режиссер Джеймс Ванның («Қарғыс», «Астрал») «Аквамен» жаңа комиксінің трейлерін ұсынды. DC әлемін қираудан құтқаратын басты рөлді Джейсон Момоа («Әділдік одағы», «Жабайы») сомдайды. Жаңа комикстің жеңіс немесе жеңіліс әкелетіні уақыттың еншісінде, Ванның өзіне табыс әкелген хоррор жанрынан алыстау дүние түсіру қабілетіне байланысты. Былтырғы «Әділдік одағы» таспасы өзінен кейін көптеген жанкүйерлердің күмәнін тудырған болатын, алайда «Акваменнің» жаңа ролигі осы таспаның DC әлемін бір ағымда ұстап қалуға уәде бермекші.
Аквамен рөлін сомдаған Джейсон Момоа Атлантида су асты патшалығының мұрагері болып келеді және су асты тұрғындары мен Жер бетінде тұратындардың арасындағы шиеленісті шешетін делдал болуға мәжбүр. «Менің әкем шамшырақты қараушы болған. Анам патшайым болды. Жарық – адамдарды біріктіретін мүмкіндік», - дейді Момоа трейлердің басында, ол жақта адам әрі атлант болып табылатын Артур Карридің өмірінен көптеген үзінділер көрсетілген. Момоа кейіпкері өміріндегі ең маңызды оқиғаға баруға дайын екенін көрсетеді. Ол өзінің расында кім екенін түсіну үшін ғана емес, сонымен қатар Атлантида патшасы болуға қаншалықты лайықты екенін білуі тиіс.
«Аквамен» комиксі 2018 жылдың 20 желтоқсанынан бастап айналымға шығады. Афишамызды қарап жүріңіздер.
.jpg)
пікірлер жоқ, бірінші болыңыз
Пікір қалдыру үшін