«Галактика сақшылары. 3 бөлім»: өндірістің уақытша тоқтатылуы
«Галактика сақшылары» франшизасының үшінші бөлімінің өндірісі Disney мен Marvel-дің шешімі бойынша, белгісіз мерзімге уақытша тоқтатылды. Тіпті, Лос-Анджелестегі жиырмадан астам түсірілім тобына басқа жұмыс қарастыра беру жайлы хабарланған.
Disney мен Marvel-дің соңғы жаңалығы туралы пікір айтылмайды, тіпті «Галактика сақшыларының» режиссері болған Джеймс Ганн Twitter'дегі бұрынғы хабарламасы үшін жұмыстан қуылған соң, бір ай өткеннен кейін де еш хабар жоқ. Ганның жұмыстан шығарылуына педофилия мен зорлауға қатысты әзіл хабарламасы себеп болған.
16 тамыз күні Disney мен Marvel-дің Ганның қызметінен бас тартатындары туралы хабарланды. «Галактика сақшыларының» актерлік құрамы және Крис Пратт пен Зои Салдана Ганнға көпшілік алдында қолдау білдіріп, ашық хат жариялаған және сот алдында қорғауға тырысқан.
Ганн үшін шайқас оңтайлы нәтиже бермеді. Режиссер Disney-дің басшысы Алан Хорнмен 14 тамыз кездескен соң да, екінші мүмкіндікке ие бола алмады. Ірі студиялардың бірінің басшысы өз пікірінде қалып, Ганнды режиссер ретінде қалдыруды жөн санамады.
«Галактика сақшылары» 2019 жыолдың басында өндіріске шығады деп жоспарланған, бірақ жобаның айналымға шығатын нақты уақыты ешқашан болмаған. Дегенмен, Ганның түпнұсқалы сценарийі «Сақшылардың» үшінші бөлімінде пайдаланылмақ. Marvel-дің аттас комикстеріне негізделген алғашқы екі фильм айналымда 1,6 млрд доллардан астам қаржыға ие болды.
.jpg)
пікірлер жоқ, бірінші болыңыз
Пікір қалдыру үшін