«Галактика сақшылары»: Disney Джеймс Ганның режиссер ретіндегі қызметінен бас тартты
Disney студиясы Джеймс Ганның «Галактика сақшылары» үшінші бөлімінің режиссері ретіндегі қызметінен бас тартты. Жобадан шығып қалған соң, Ганның пайдасына өткізілген үлкен қозғалыстан кейін Marvel мен Disney айтқандарынан қайтпай, танымал франшизаның режиссерін қайтарғысы келмеді. Бұл шешім Disney-дің бастығы Алан Хорн мен Ганның кездесуінен кейін қабылданды.
Бір ай бұрын Ганнды «Галактика сақшыларынан» жедел түрде алып тастады, өйткені ол ондаған жыл бұрын Twitter'гe педофилия мен зорлыққа қатысты әзілге толы ондаған хабарламалар қалдырған екен. Барлығы белгілі болған соң, Disney студиясы жылдам әрекетке көшіп, режиссерді бірден жұмыстан шығарып тастады. Студиялар басшылығының ортақ пікірі бойынша, #MeToo кезеңінде мұндай хабарламалар орынсыз және олар Disney-дің отбасылық беделіне сай келмейді.
Осыған қарамастан, Ганн әсіресе «Галактика сақшылары» актерлік құрамының тарапынан үлкен қолдауға ие болды. Крис Пратт пен Зои Салдана сынды жұлдыздар қол қойған ашық хатта режиссерді қайтару туралы жазылған. Ганның өкілдерін оған екінші мүмкіндік беруді сұрап, барынша қайтаруға тырысты. Нәтижесінде, Алан Хорн барлық қайшылықты доғару мақсатында кездесуді ұйғарады. Ганның жұмыстан шығуын Marvel президенті Кевин Файги де қолдады.
Қазіргі таңда Disney мен Marvel өкілдері қорытынды пікір білдірмеуге тырысып жүр.
.jpg)
пікірлер жоқ, бірінші болыңыз
Пікір қалдыру үшін