Кевин Файги Marvel фильмдерінің түсірілімінде әйел режиссерларды көбейтуге уәде берді
Кевин Файги Marvel студиясындағы фильмдер түсірілімінде әйел режиссерларды көбейтуге уәде берді. Анна Боден және «Капитан Марвел» комикстер түсірілімінде әйел режиссерларды көбейтуге ықпал ететін үлгі боларлық жағдай жасады. Файги бұл мәлімдемені сенбі күні Paramount студиясы өткізген жыл сайынғы 10-шы продюсерлер конференциясында жасады. «Капитан Марвел» - Marvel әлеміндегі 20-шы фильм және бұл жақта режиссер бірінші рет әйел болды.
Журналистер әзілдеп, Файгиге Marvel-дің келесі 20 фильмін де әйелдердің түсіруін ұсынды, оған продюсер былай деп жауап берді: «Marvel-дің келесі 20 фильмінде де әйел режиссерлар болады деп уәде бере алмаймын, дегенмен олардың көп болатыны анық». Осы жауабы арқылы ол үлкен қошеметке ие болды.
Файги қазіргі күнге дейін әлем бойынша 1,3 миллиард доллардан астам бокс-офис жинаған «Қара Ілбісіннің» табысына қатысты пікір білдірді: «Осы фильм арқылы қалыптасқан қағидаларды бұзуға тырыстық, өйткені режиссер Райан Куглер мен Чедвик Боузман жетекшілігіндегі басқа да акетрлік құрамды есепке алсақ, көпшілігі - қара нәсілділер. Қара нәсілділер қатысқан фильмдер белгілі бір аудиторияға бағытталған деген дақпыртты жою үшін, аталмыш таспаны түсіруіміз керек болды».
пікірлер жоқ, бірінші болыңыз
Пікір қалдыру үшін