Marvel комиксінің жылан көзді кейіпкері G.I. Joe жайлы жеке фильмге ие болады
Marvel комиксінің жылан көзді кейіпкері Снейк Айз G.I. Joe (Джи.Ай. Джо) жайлы жеке фильмге ие болады. Paramount Pictures тапсырмасы бойынша, сценариймен Эван Спилиотопулос («Сұлу ару және құбыжық», «Қаршақыз және Аңшы 2») айналысуда. Болашақ таспаның продюсері - Брайан Голднер («Трансформерлер: Соңғы жауынгер», «Уиджи. Шайтанның қарғыс тақтасы»). Экрандағы кейіпкерлердің визуальды негізі ретінде Hasbro шығарған ойыншықтардың бейнелері таңдалды.
Снейк Айз – 80-ші жылдарда Hasbro ойыншықтар жиынтығының бөлігі ретінде пайда болған мылқау коммандос-ниндзя. Кейінірек Marvel Comics осы жинақтарды «Джи.Ай. Джо: Нағыз американдық қаһарман» деген атаумен қайта шығарды. Бұл кейіпкер үнемі тек қара түсті киім киеді, ешқашан өзінің жүзін көрсетпейді және ешқашан сөйлемейді. Сюжет бойынша ол антитеррористік әскери топтан бөлініп шығады. Снейк Айз аз уақыттың ішінде танымал кейіпкерлердің біріне айналды.
Paramount Pictures Джи.Ай. Джо мен оның тобы жайлы екі фильм түсіріп үлгерді. 2009 жылы экранға Стивен Соммерстің «Әпжыланның күресі» шықты, ал 2013 жылы екінші бөлімі пайда болды. Екі фильмде де Снейк Айздың рөліне барлығын өзінің әйгілі акробаттикалық қабілеттерімен тәнті еткен Рэй Парк түсті. Қазір студия Hasbro-мен бірлесе отырып, сценарист Эван Спилиотопулоспен серіктесіп, франшизаны қайта шығармақ.
пікірлер жоқ, бірінші болыңыз
Пікір қалдыру үшін