Marvel кинематография әлемінің әйел кейіпкерлері жеке фильмге ие болуы мүмкін

29 Апреля, 2018
BrodKaz
1 634
0

Осы аптада тұсауы кесілген «Кек алушылар: Мәңгілік соғыс» фильмінің айналасында болған толқулардың арқасында Marvel кинематография әлемінің әйел кейіпкерлеріне жеке фильм арналуы мүмкін.

Элизабет Олсен бұл идея туралы мынаны хабарлады: «Менің ойымша, бұл бұқаралық ақпарат құралдарының ойдан шығарғаны секілді, олар тым әсірелеп жіберген. Жалпы, мен білмеймін».

Бірақ, жел тұрмаса шөптің басы қимылдамайды ғой. Алдыңғы жолы Тесса Томпсон өзі, Скарлетт Йоханссон, Бри Ларсон және Зои Салдана қатысатын бір жобаның болатынын айтқан еді. Фильм идеясы Marvel президенті Кевин Файгиге ұсынылған: «Біздің қатысуымызбен толықтай фильм пайда болуы мүмкін деп ойлаймыз. Біз кез-келген уақытта соның жұмысын бастап, серіктес болуға дайынбыз». Алайда, Олсеннің пікірі басты рөлді әйелдер сомдайтын «Кек алушылар» бағытындағы таспаның әңгіме күйінде ғана қалып қойғанын білдіртеді.

«Ғажайып әйелдің» былтырғы табысы кинематографиялық гендерді жоққа шығарған еді, бірақ бұл DC әлемінің ережесі емес. Соңғы кездері DC комикстері коммерциялық шығынға ұшырауда, сондай-ақ сыншылар тарапынан да төмен бағаларға ие болып жатыр. Бірақ, Marvel ылғи сюжет желісі мен мықты кейіпкерлердің тағдыры тоғысатын фильмдер түсіреді, сондықтан толықтай әйелдерден құралған жоба студияның басты нысанасына айналуы мүмкін еді.

Оның үстіне, бұл сыбыстардың аясында Marvel-дің дұрыс бағытта келе жатқанын айта кету керек, яғни фильмдердегі үздіктер әйелдер болып келеді: «Құмырсқа адам және Сона» (Эванджелин Лилли), «Капитан Марвел» (Бри Ларсон) және «Қара жесір» (Скарлетт Йоханссон). Бұл жобалар мықты әйел кейіпкерлер туралы ойдан шығарылған емес, жеке оқиғаларды көрсетеді.