Элизабет Олсенге «Кек алушыларға» түскен ұнағанымен, ол өзінің кейіпкері жеке фильмге лайық деп есептемейді
Элизабет Олсенге («Желді өзен», «Алғашқы кек алушы: Қарсыласу») «Кек алушылар» фильміне түскен ұнағанымен, ол өзінің кейіпкері «Алқызыл жалмауыз» жеке фильмге лайық деп есептемейді. Актриса Marvel әлеміндегі өзінің суперкейіпкерінің бөліктерін одан әрі жетілдіру қажет деп санамайды.
«Біз бастапқы нүктеде тұрмыз. Бірақ, әрине, қазір мені қызықтыратын нәрсе бұл емес және бұл Marvel-ді қызықтыра ма және жалғасы бола ма, мен ол жағын білмеймін. Пол Беттани (ДЖАРВИС кейіпкер) екеуміз Netflix-те немесе басқа бір арнадағы өзіміздің жеке телевизиялық шоуымыз жайлы әзілдеген едік. Бірақ бұл Алқызыл жалмауыздың ақылынан адасқан отбасылық көрсетіліміне көбірек ұқсайтын секілді. Біз әзілдеген нәрсенің шындыққа айналуы міндетті емес», - деді өзінің болуы мүмкін жобасы жайлы.
Мүмкін, Алқызыл жалмауыз жайлы жеке фильм түсірмейтін де шығар, дегенмен Элизабет Олсен Marvel әлемінің барлық әйелдерін біріктіретін жобадан көрінуі мүмкін. Былтырғы жылдың қарашасында «Тор: Рагнарёк» фильмінің табысынан шабыттанған Тесса Томпсон, Скарлет Йоханссон және Зои Салдана осындай фильм жайлы ойларын продюсер Кевин Файгиге жеткізген болатын. Томсон ақпан айында Marvel-дің аталмыш оқиғаның бөліктерін өңдеумен айналысып жатқанын хабарлаған еді.
.jpg)
пікірлер жоқ, бірінші болыңыз
Пікір қалдыру үшін