«Кішкентай жыртқыш құстар»: Рози Перес комиксте Рене Монтойя рөлін сомдайды

3 Қазан, 2018
BrodKaz
1 494
0

Рози Перес («Кеңесші», «Ержүрек») «Кішкентай жыртқыш құстар» атты әйелдерге арналған комикте Готэм-ситидегі полицей басқармасында жұмыс істейтін детектив Рене Монтойяның рөлін сомдайды. Марго Робби бұл таспада «Өзін-өзі өлтірушілер тобы» арқылы танылған Харли Квинн рөлінде көрінеді. Алғаш рет үлкен экранда жауыздардың бірінің рөлінде «Қара Бетперде» кейіпкері, Бэтменнің қарсыласы пайда болмақ.

Сонымен қатар, «Кішкентай жыртқыш құстарға» Қара Шымшық рөлінде Джерни Смоллетт («Тас жұдырықтар», «Отбасылық кеңесші») және Аңшының рөлін бейнелейтін Мэри Элизабет Уинстэд («Жалданушы Куорри», «Нина жайлы») қатысады. Комикс сюжеті бойынша Монтойя дәстүрлі емес жыныстық көзқарасын жасырмайды және үнемі тек ерлер стилінде киінеді, сондықтан бұл жобада «Күмән» лақап атына ие.

«Кішкентай жыртқыш құстардың» режиссері Кэти Янь болып белгіленді, ол «Өлі шошқалар» дебютті фильмі арқылы танымал болған, тіпті сценарийін де өзі жазған. Биылғы жылдың басында «Сандэнс» фестивалінде Яньнің жұмысы үздік актерлік ансамбль үшін жүлдеге ие болған. Сондай-ақ, Кэти Янь DC әлеміне қосылатын үшінші әйел режиссер болмақ. Бір қызығы, қазіргі таңда Warner Bros.-тың «Кішкентай жыртқыш құстар» жобасының нақты ресми атауы жоқ.

«Кішкентай жыртқыш құстар» комиксі 2020 жылдың 7 ақпанында айналымға шығады. Афишамызды қарап жүріңіздер.