Мэри Элизабет Уинстэд «Егіздің сыңары» фильмінде басты рөлдердің бірін сомдайды
Мэри Элизабет Уинстэд («Кловерфилд,10», «Швейцариялық қанжар-адам») «Егіздің сыңары» («Gemini Man») фильмінде басты рөлді сомдауға дайындық үстінде. Триллердің басты жұлдызы - Уилл Смит («Жарқындық», «Елесті сұлулық»). Жобаның режиссерлік орнына Энг Ли («Пи өмірі», «Дөңес тау») жайғасты. Ақпан айында басталатын түсіріліммен Skydance және Paramount айналысатын болады.
Фильм сюжеті бойынша Уилл Смит бірден екі рөлде ойнайды, оның кейіпкерлері бір-біріне қарама-қарсы. Оның біреуі - Генри, қылмыс әлемінен шыққысы келетін қартайған адам өлтіруші, екіншісі - Генридің жас егізі, басты қарсыласы. Егізі Генридің көзін жою туралы тапсырма алады.
Уинстед жобадан шығып кеткен Татьяна Масланидің орнын («Қара бала») алмастырады. Оның рөлі - Генри жұмыс істейтін компанияның қызметкері және Генриді аңдып жүруі тиіс болады. Алайда Уинстед кейіпкері қарсыласымен бірігіп алады. Клайв Оуэн («Валериан және мыңдаған ғаламшар шаһары», «Соңғы сарбаздар») қазіргі уақытта фильмдегі зұлым кейіпкердің бірі, клондау бағдарламасының жетекшісі рөлі жайында келіссөз жүргізіп жатыр. Джерри Брукхаймер («Кариб теңізінің қарақшылары») - осы жобаның продюсері.
пікірлер жоқ, бірінші болыңыз
Пікір қалдыру үшін