Режиссер Зак Снайдер өзінің келесі жобасы жайлы хабарлады
Режиссер Зак Снайдер («Әділдік одағы», «Болат адам») өзінің келесі жобасы жайлы хабарлады, бұл туралы Twitter'дe жарияланды. Оның жаңа жұмысының негізіне 70 жыл бұрын экранға шыққан танымал «Қайнар» голливуд мелодрамасындағы материал арқау болмақ. Бұл таспа Айн Рэндтің белгілі аттас романының экранды бейімдеуі болған, басты рөлдерді Гэри Купер мен Патриция Нил сомдады. 1943 жылы жарық көрген Рэндтің «Қайнары» ондаған жылдар бойы әлемдік бестселлерлердің тізімінде тұр.
«Қайнар» романының басты кейіпкері болып табылатын Говард Рорк үнемі қоғаммен күресіп, шығармашылығына қатысты құқықты дәлелдеумен келеді. Рорктің айналасы оның жаңашылдығын қабылдауға дәрменсіз, сондықтан ол бірегейліктен алыс әрекеттерді қолданып жүр. Басты кейіпкерге кейін дұшпанының жары болатын әйел ғашық. Бір қызығы, Айн Рэнд бүкіл романға бір адамның өзімшілдігі барлық адамзаттың өркендеуіне себепші болатынын көрсетіп, сыйғызған.
Қазіргі таңда, Снайдер «Соңғы сурет» әскери шытырман оқиғалы драманың түсірілімін тоқтатып қойды. Былтырғы жылы қызы қайтыс болған соң, ол әйелі Дебора Снайдермен бірге айналысқан «Әділдік одағы» түсірілімі міндетінен құтылған болатын. Сол қиын шақта жобаны Джосс Уидон қолдап, экранға шығар алдында кейбір сахналық көріністерді түсіріп, монтажға жетекшілік етті. «Әділдік одағы» жанкүйерлерді екі лагерьге бөлді, сондай-ақ халықаралық айналымда 650 миллион доллардан астам қаржы жинады.
.jpg)
пікірлер жоқ, бірінші болыңыз
Пікір қалдыру үшін