«Барби»: Марго Робби Warner Bros.-пен келіссөз жүргізуде
Марго Робби («Біткен адам», «Қош бол, Кристофер Робин») Warner Bros. студиясымен әзірге ресми атауы жоқ «Барби» фильмінің түсіріліміне қатысты келіссөз жүргізіп жатыр. Осы актрисаның көмегімен Mattel фирмасының абыр-сабыры аяқталып, Барби Малибудағы арман үйдің иесі ретінде экраннан көрсетілетін шығар. Сыбыс бойынша, Warner Bros. таспасының режиссері Пэтти Дженкинс («Ғажайып әйел») болуы мүмкін.
Бірнеше жыл бойы танымал қуыршақ туралы фильммен Sony Pictures студиясы айналысқан еді. 2014 жылы Mattel-дің Барби жайлы фильм өндірісіне қатысты Sony-мен серіктес болатыны хабарланған. 2016 жылы ең танымал комедиялық актрисалардың бірі Эми Шумердің («Тұла бойы сұлу», «Қызы мен анасы») фильмде басты рөлді сомдайтыны туралы хабар пайда болды, бұл рөл феминизм мен даралық акценті бар танымал ойыншық туралы хикаяның заманауи түрі ретінде жарияланған.
Бірнеше жылдан соң, Шумер түсірілім кестесіндегі мәселеге байланысты жобадан шығып қалады. Кейін, 2017 жылы Шумердің орнына Барби рөлі Энн Хэтэуэйге («Оушеннің 8 құрбысы», «Менің қызым - құбыжық») бұйыратыны жайлы ақпарат пайда болды. Биылғы жылдың қаңтарында Sony Барби жайлы фильмнің шығарылымын 2018 жылдың 8 тамызынан 2020 жылдың 8 мамырына ауыстырды. Бірақ, ешқандай жұмыс жасалмады, сондықтан бірнеше айдан кейін, ойыншықтарды өндіруші Mattel фильм жұмысын жаңғырту үшін жаңа студия тапты.
пікірлер жоқ, бірінші болыңыз
Пікір қалдыру үшін