«Холмс & Ватсон»: алғашқы трейлер мен көріністер

24 Қазан, 2018
BrodKaz
1 337
0

Sony және Columbia Pictures студиясы режиссер Этан Коэнның («Мықты бол!») «Холмс & Ватсон» комедиялық детективінің алғашқы дубляждалған трейлерін ұсынды. Детектив Артур Конан Дойлдың бұл жаңа интерпретациясы Шерлок Холмс (Уилл Феррелл, «Үлгілі еркек 2», «Кейіпкер») пен дәрігер Ватсонның (Джон Си Райли, «Конг: Қаңқалар аралы», «Галактика сақшылары») шытырман оқиғаларын жаңа қырынан көрсетеді.

«Холмс & Ватсонның» басқа экрандалғандардан айырмашылығы – Коэн таспасы Конан Дойлдың бірінші санатты әдеби материалына негізделген Ұлыбританиядағы викториандық кезеңге пародия жасайды. Әйгілі тыңшы және досы, дәрігер Ватсон Букингем сарайында патшайымға жасалатын қастандықты зерттеу тапсырмасына ие болады.

«Холмс & Ватсон» ролигінде бүгінгі күнге сай көптеген комедиялық сәттер кездеседі: қанішер аралар, тапаншамен жөн-жосықсыз атыс, Холмстың карикатуралық үнемшілдігі және бір қызығы, Холмс пен досының ағылшын патшайымымен жасаған ескі сәндегі селфиі. профессор Мориарти рөлін Рэйф Файнс («007: Спектр») сомдайды.