«Кішкентай әйелдер»: Эмма Уотсон қатысу жайлы келіссөз жүргізуде
Актриса Эмма Уотсон («Сфера», «Сұлу ару мен құбыжық») режиссер әрі сценарист Грета Гервигтің («Құс ханым») «Кішкентай әйелдер» деп аталатын жаңа фильміне қатысу жайлы келіссөз жүргізіп жатыр. 1994 жылы Columbia Pictures студиясының Вайнона Райдер, Кристиан Бэйл, Сьюзен Сарандон және Кирстен Данст қатысқан аттас жобасы «Оскардың» үш номинациясына ие болған. Уотсон алдында Эмма Стоунға («Жыныстылар шайқасы», «Ла-Ла Ленд») ұсынылған рөл туралы келіссөз жүргізуде. Алдыңғы жолы актерлік құрамға бекітілген Стоун басқа жобалардағы тығыз жұмыс кестесіне байланысты бұл фильмге қатыса алмайды.
Луиза Мэй Олкотт американдық классикасының жаңа экранды бейімдеуі «Кішкентай әйелдердің» тамаша актерлік құрамы бар: Мэрил Стрип, Лора Дерн, Сирша Ронан, Тимоти Шаламе және Флоренс Пью. Кітап сюжеті XIX ғасырдың ортасындағы АҚШ Азаматтық соғысы уақытында өмір сүрген әпкелі-сіңлілер Эми, Джо, Бет, Мэг және аналары жайлы баяндайды. Соғыс басталмай тұрғанда әпкелі-сіңлілер Массачусетс штатында бойжетеді. Бірақ, соғыс кезіндегі Рождествоны әкелерінсіз қарсы алады. Уотсон әпкелі-сіңлілердің бірін сомдауы мүмкін, бірақ әзірге нақты қайсысы екені белгісіз.
пікірлер жоқ, бірінші болыңыз
Пікір қалдыру үшін