«Кішкентай әйелдер»: Луиза Мэй Олкотт классикалық романының жаңа экрандауы
Сыншылардың керемет пікірлерінен кейін және «Оскар» жүлдесінен соң режиссер әрі сценарист Грета Гервиг («Құс ханым») өзінің жаңа, бұл жолы көлемді әрі амбициялы жобасына дайындалып жатыр. Режиссер назарында - Луиза Мэй Олкотттың «Кішкентай әйелдер» классикалық романының жаңа экрандауы. Оқиға XIX ғасырдың екінші жартысында АҚШ-тағы Азаматтық соғыстан кейінгі Марч отбасындағы төрт апалы-сіңлілілердің өмірі жайлы баяндайды. Олкотт кітабы бірнеше рет экрандалған, соның ішінде басты рөлді Вайнона Райдер сомдаған 1994 жылғы бейімдеуі кеңінен танылды.
Американдық классиканың экрандауымен Columbia Pictures студиясы айналысады. Шамамен, Гервиг «Құс ханымда» басты рөлдерді сомдаған сүйікті жас актерлары Сирша Ронан және Тимоти Шаламемен қайта бас қосатын болыпты. «Кішкентай әйелдерге» қатысатын басқа да жұлдыздар - Мэрил Стрип, Эмма Стоун және Флоренс Пью. Қазіргі кезде кастинг жалғасып жатыр, сондықтан бекітілген рөлдер әзірге белгісіз. Алғашында Грета Гервиг сценариймен ғана айналысады делінген еді, бірақ жүлделер табыстау маусымындағы «Құс ханымның» табысынан соң, «Кішкентай әйелдер» оның кезекті фильмі болатыны анықталды.
пікірлер жоқ, бірінші болыңыз
Пікір қалдыру үшін