Канн-2018: Брюс Уиллис боксшы Майк Тайсонның жаттықтырушысын сомдайды
Брюс Уиллис («Өлім тілеу», «Оның иттік жұмысы») әйгілі боксшы Майк Тайсонға арналған жаңа драмада белгілі жаттықтырушы Кас Д’Аматоның рөлін сомдайды. «Секундант» - Руперт Френдтің («Отан» хикаясы, «Сталин өлімі») режиссерлік дебютінің уақытша атауы. Фильм түсірілімі биылғы күзде басталады. Картинадағы оқиға өткен ғасырдың 80-жылдарында Нью-Йоркте өрбиді, көрермендерге 13 жасар Тайсонның алғашқы жарыстан бастап, ірі чемпионат рингтеріне қалай жеткенін көрсетеді. Сюжет бойынша Д’Амато – кішігірім спортзалы бар жаттықтырушы, ол кедей отбасынан шыққан балаларды жаттықтырады. Тайсонның рөлін сомдайтын актер әлі табылмады.
Осы аптада Канн фестивалінде IMR International халықаралық сатып алушылар үшін фильм құқығын сата бастайды. Бронксте дүниеге келген Д’Амато Флойд Паттерсон, Хосе Торрес және Майк Тайсон сынды әйгілі ринг батырларын жаттықтырған. Ол ең алдымен бокстағы «Пик-а-бу» бағыты дамыған соң таныла бастады. Кас Д’Амато әуесқой ретінде жеңіл әрі жартылай жеңіл салмақпен жұдырықтасты, бірақ ақыры кәсіби боксы болмады. Ол 1985 жылы қайтыс болған кезде әйгілі оқушысының бірі Флойд Паттерсон: «Кас секілді өзінің боксшыларына ерекше қамқорлық танытатын басқа адам немесе менеджер енді ешқашан болмайды», - деді.
пікірлер жоқ, бірінші болыңыз
Пікір қалдыру үшін