Канн-2018: «Келіңдер, көтерілейік!» - киноөндірістегі әйелдердің сенбілік акцияларының ұраны
Сенбі күні Канн фестивалінде «Келіңдер, көтерілейік!» акциясы өтті. 82 нәзік жанды тең құқылы болу үшін қызыл кілемшеге шықты.
Биылғы Канндағы қазылар алқасының президенті Кейт Бланшетт түсірілім барысына араласатын әйелдер үшін «түрлі және тең құқылы жұмыс орындарының» болуын талап етті.
Көкшіл Жағалаудағы 71-ші халықаралық кинофорумының қатысушылары киноөндірісте таралып кеткен гендерлік теңсіздікке қарсы шықты.
«1688 еркек-директорлар осы баспалдақпен көтерілді. Осынау танымал кинофестивальдің 71 жылында фестивальдің қазылар алқасына бар-жоғы 12 әйел жетекшілік етті. 71 еркек-режиссер Алтын пальма бұтағын иеленді. Екі әйел ғана - Джейн Кэмпион мен Аньес Варда – осы жүлдені алды. Деректер нақты әрі даусыз», - деді Кейт Бланшетт Ева Хассонның «Күн қыздары» фильмінің байқау көрсетілімінің алдында.
«Бүгін осы баспалдақта 82 әйел тұр. Бұл сан кездейсоқ емес. 82 – 1966 жылдан бергі Канндағы әйел режиссерлардың ұсынған фильмдерімен пара-пар. Әйелдер – әлемде аз емес. Дегенмен, қазіргі жағдай басқаны меңзейді. Әйел ретінде біз өзіндік қиындықтармен кезігеміз. Бүгін осы баспалдақта барлығымыз бірге табандылықтың символы ретінде және болашаққа ұмтылып, өз құқымызды қорғау үшін тұрмыз. Барлығымыз кинематографта ұзақ жыл бойы еңбек етіп келеміз. Біз бүгін бүкіл әлемдегі әйелдердің тілектесі ретінде тұрмыз. Келіңдер, көтерілейік!».
пікірлер жоқ, бірінші болыңыз
Пікір қалдыру үшін