Кейт Бланшетт 2018 жылғы Канн фестивалінің қазылар алқасын басқармақ
Аустралиялық актриса Кейт Бланшетт 71-ші Канн фестивалінің байқаулық қазылар алқасын басқаратын болды. Кино мерекесі 2018 жылы 8-19 мамыр аралығында өтеді. Кейттен бұрын Канн фестиваліне 1965 жылы Оливия Де Хэвилленд, Софи Лорен (1966), Мишель Морган (1971), Ингрид Бергман (1973), Жанна Моро (екі мәрте, 1975 ж. және 1995 ж.), Франсуаза Саган (1979), Изабель Аджани (1997), Лив Уллман (2001), Изабель Юппер (1999) және Джейн Кэмпион (2014) басшылық еткен.
Бланшетт Педро Альмодовардан кейін төрайым атанады, ол бұрын швед режиссері Рубен Эстлундке және шет тіліндегі үздік фильм ретінде «Оскардың» шорт-парақшасына енген «Шаршысына» Алтын пальма бұтағын ұсынған еді.
«Бұл фестиваль түрлі ұлттар мен әр түрлі халықты таныстыратын әлемнің барлық танымал тұлғаларын біріктіру үшін маңызды», - деді Кейт Бланшетт.
пікірлер жоқ, бірінші болыңыз
Пікір қалдыру үшін