Канн-2018: Эдгар Рамирес пен Педро Паскаль «Сона торы» тыңшылық драмасында бірігеді
Актерлар Эдгар Рамирес («Жарқындық», «Алтын») және Педро Паскаль («Kingsman: Алтын сақина», «Тақтардың ойыны» хикаясы) француз режиссері Оливье Ассайастың «Сона торы» тыңшылық драмасының түсірілімінде бірігеді. Бұл режиссердің соңғы шыққан «Жеке сатып алушы» және «Зильс-Мария» жұмыстары Канн фестивалінің сүйіктілері болған. Оливье Ассайас «Сона торы» сценарийін Фернандо Морайстың «Суық соғыстың соңғы жауынгерлері» кітабы негізінде жазған. IMR студиясы жобаны Канндағы халықаралық сатып алушыларға ұсынды.
Ассайастың болашақ жұмысының сюжеті – АҚШ аумағындағы кубалық тыңшылардың ерекше шынайы хикаясы. Морайс кітабы Бостандық аралындағы заңсыз бес агент жайлы әңгімелейді, олар кейін америка түрмелеріне ұзақ уақытқа қамалды. Латын Америкада «Суық соғыстың соңғы жауынгерлері» жарыққа шыға салысымен, бестселлерге айналды.
1992 жылы кубалық бес тыңшы Флорида штатындағы қоғамдық ұйымдарға кіру құқығын иеленген. Олар Куба билігіне дайындалып жатқан террорлық актілер туралы уақытылы хабарлау керек болған, бірақ ең бастысы, АҚШ-қа еш зияндары тимеулері тиіс еді. Алты жылдан кейін агенттер әшкереленіп, америка сотымен түрмеге тоғытылады. Ал Кубада заңсыз жұмыс істеген бес еркек ұлт батырларына айналды.
пікірлер жоқ, бірінші болыңыз
Пікір қалдыру үшін