Канн-2018: қазақстандық актриса Самал Еслямова «Үздік актриса» атанды
Қазақстандық актриса Самал Еслямова 71-ші Канн кинофестивалінде «Үздік актриса» атанды. Ол Сергей Дворцевойдың «Айка» фильмінде эмигрант рөлін сомдап, пальма бұтағына ие болды.
Самал Еслямова Солтүстік-Қазақстан облысы, Петропавл қаласында дүниеге келген. 2011 жылы ол ГИТИС-ті (Ресейлік театр өнері институты) бітірген. Қазақстанның тумасы болып келетін режиссер Сергей Дворцевойдың фильміне актриса алғаш рет түсіп отырған жоқ. Екеуінің алдыңғы жұмысы – «Қызғалдақ», 2008 жылы Канн кинофестивалінің «Ерекше көзқарас» бағдарламасында жеңіске жеткен.
«Айка» картинасында Самал Еслямова Мәскеуге ақша табуға келген Қырғызстан эмигрантын сомдады. Бойжеткеннің аяғы ауыр болып қалады, алайда жағдайға байланысты ол сәбиді перзентханаға қалдырып кетеді. Бірақ, кейін аналық сезімі оянып, баласын іздеп табуға тырысады.
Еске сала кетсек, «Айка» Канн халықаралық кинофестивалінің негізгі байқау бағдарламасына қатысқан болатын. Кинокөрсетілімнің қазылар алқасын актриса Кейт Бланшетт басқарды.
.jpg)
пікірлер жоқ, бірінші болыңыз
Пікір қалдыру үшін