Канн-2018: фестивальдің негізгі байқауында Ева Хассонның «Күн қыздары» таспасының тұсауы кесілді
Канн фестивалінде негізгі байқауда режиссер Ева Хассонның «Күн қыздары» жаңа толықметражды фильмінің тұсауы кесілді. Таспа Таяу Шығыста күрдтер құрамасының қатарында шайқасып жатқан әйел жауынгерлер жайлы баяндайды. Хассонның «Әйелдер, өмір, бостандық» тақырыбына арналған күшті хабарламасы әйелдерге көрсетілетін зорлыққа бағытталған және қысым көрсетушілерге әйелдердің күш көрсетуін қолдайтын тағы бір пікір болатыны анық.
.jpg)
«Күн қыздары» Синджар тауында, соғыс өршіп тұрған және сириялық шекараға жақын солтүстік-батыс Ирак аумағында болған оқиғаларды баяндайды. Көпті көрген француздық әскери репортер Матильда (Эмманюэль Берко) осы аймақта жүріп, жаңа материалын дайындайды. Бұрын Матильда Хомста көзінен айырылған, үш ай бұрын журналист күйеуі Ливияда өлтірілген еді, балалары үнемі қорқыныш талмасымен ауырады.
Күрд әскери күштері ИГИЛ жауынгерлерін тағы бір қаладан қуып шығу үшін халықаралық күштердің қолдауын әуеден күтеді. Матильда Бахар (Голшифте Фарахани) басқаратын «Күн қыздары» арнайы батальонына қосылады. Бахар 2014 жылдың 3 тамызында жақын маңдағы ауылдарда ұсталған 7000 әйел мен балалардың ішіндегі бұрынғы ИГИЛ тұтқын қыздарына жетекшілік етеді. Ол кезде Бахар көз алдында өлген күйеуінен айырылады, ал кішкентай баласы құлдыққа сатылды.
Таспасының қозғаушы күші ретінде Бахардың батырлығын таңдап алған Ева Хуссон «Күн қыздары» сюжетін әсерлі құрастырған, басты кейіпкердің бұрынғы бейбіт өміріндегі ретроспективті кадрларының арқасында қазіргі және бұрынғы кезін жақсы бейнелейді. Тамаша актриса Голшифте Фарахани күн сайын баласын көру үмітін жоғалтпаған, сол үшін ауыр соғыс операцияларында оққа қарсы тұрып, алға жылжитын соғыстағы әйел образын өз деңгейінде алып шықты.
.jpg)
пікірлер жоқ, бірінші болыңыз
Пікір қалдыру үшін